پیچھے اِس امام کے

 

 مَیں ایک دن سوچ رہا تھا کہ آخر ،" پیچھے اس امام کے" ، اس کا مطلب عوام کیا سمجھتی ہے ، 

 * تو میری سمجھ میں جو آیا اُسے جان کر آپ حیران ہو جائیں گے * 

پیچھے اس امام کے 

 * یعنی اس امام کے پیچھے پڑ جاؤ * 

 کہاں جاتا ہے ۔ ۔ ۔ ۔ ۔ ۔ ۔ ؟ 

 کیا کرتا ہے ۔ ۔ ۔ ۔ ۔ ؟ 

کب سوتا ہے ۔ ۔ ۔ ۔ ۔ ۔ ؟ 

 اکثر یہ سنت پڑھتا نظر نہیں آتا ، 

 اس سے پہلے کہاں نماز پڑھاتا تھا ۔ ۔ ۔ ؟ 

 وہاں سے کیوں نکالا گیا ۔ ۔ ۔ ۔ ؟ 

اب وہاں کیوں جاتا ہے ۔ ۔ ۔ ؟ 

 فلاں سے کیوں بات کرتا ہے ۔ ۔ ۔ ؟ 

 نمازیوں کے ساتھ کیوں بیٹھتا ہے ؟ 

 نمازی بالخصوص نوجوان اس سے ملنے کیوں آتے ہیں ۔ ۔ ۔ ۔ ؟ 

اس کے پاس موبائل کون سا ہے ۔ ۔ ؟ 

 گاڑی بہت تیز چلاتا ہے ۔ ۔ ۔ ۔ ؟ 

 اس کے پاس گاڑی کہاں سے آگئی ۔ ۔ ؟ 

 کھا کھا کر موٹا ہوگیا ہے ، 

جب آیا تھا تو پتلا تھا ، اس کو چربی چڑھ گئی ہے ، 

 یہ بازار/ مارکیٹ کیوں جاتا ہے ۔ ۔ ۔ ؟ 

 اگر محفل/ میلاد/ جلسہ/ پروگرام میں یا کسی ضروری کام سے چلا جائے تو کہا جاتا ہے کہ 

 یہ امام بہت غیر حاضر ہونے لگا ۔" 

ابھی جماعت کھڑی ہو نے میں 3/ 4منٹ باقی ہوتے ہیں لوگ پیچھے مڑ مڑ کر دیکھتے کہ امام آیا یا نہیں! 

 سالوں سال گھر نہ جائے اپنے والدین/ بیوی بچوں سے دور رہے اگر مہینے دو مہینے بعد دوچار دن اپنے گھر/ گاؤں چلاجاۓ توبعض فتنہ پرور شور مچاتے ہیں 

 لو جی امام صاحب بڑے غیر ذمہ دار ہوگئے ہیں ۔ ۔ ۔( خود کو مہینے میں چار یا آٹھ چھٹیاں درکار مگر امام بندہ بشر تھوڑی ہے اسے چھٹی کا کیا حق پہنچتا ہے ۔ ۔ ۔ ؟ 

 خود روز گھر جائیں مگر امام ۔ ۔ ۔ ؟ 

نہ بھئی نہ) امام کبھی بیمار ہوجاۓ تو بجاۓ عیادت و بیمار پرسی کے اس پر بھی اعتراضات شروع کردیئے جاتے ہیں ۔ ۔ ۔ 

 بس جی ان کو تو کوئی بہانہ چاہئے ہوتا ہے ، 

 وغیرہ وغیرہ 

 * آج اکثر ائمۂ مساجد ان چیزوں کے شکار ہیں ، وہ اپنا دکھڑا کہیں تو کس سے کہیں ، ان کا کوئی حامی اور مدد گار نہیں ، قوم جب چاہتی ہے اماموں کو نکال دیتی ہے ، اور اکثر جگہ اماموں کو حسد/ بغض/ ذاتی انتقام کی وجہ سے نکالا جاتا ہے ، امام بیچارہ بھی اپنا بیگ اٹھا کر چل پڑتاہے ، * 

* جیسے ہی وہ جاتا ہے فتنہ و فساد کے چیمپئن/ معاشرے کے ناسور اس کی" ایک برائی" کو" سو برائیاں" بنا کر عوام کے سامنے رکھتی ہے * 

 اگر یہ جھوٹ ہے تو آپ مجھے بتائیں ، اور اگر سچ ہے تو کم از کم اپنے حلقے کے امام و خطیب صاحب کے ساتھ اپنا قلبی تعلق مضبوط کریں ہر اس شخص کے سامنے سینہ سپر ہو جائیں جو امام صاحب کے بارے غلط رائے رکھتا ہے ، منقول